Dil Hai K Likhon Aj Mey Shabbir Ka Hamla!

3 years ago I heard this poetry by Shaukat Raza Shaukat about the attack Imam Hussain (as) lead on yazid's army on the day of ashura at the battle field of karbala. Whenever we think/talk about Imam Hussain a.s our heart starts sinking by just thinking that how hard the day of ashura was for Him. I've been crying over him and his family since i don't even remember but I do get happy when I read this poetry because it shows how tough the blood of Ali is .

I fall a sleep like a proud man every night after telling myself that ; Islam is the name of Mohammad's insight perception, Abutalib's support, Khadija's money and Ali's courage.

*****

Dil hai k pharon aj mey Shabbir ka Hamla!

buth khano pay tauheed ki tasveer ka hamla

kuffar pay jabbar ki shamsher ka hamla

shabbir ka hamla hai k taqqdeer ka hamla?

yeh jung lari shah nay kuch itnay hunnar say

meydaan mai daad ayi hai Abbas k sir say

After saying the final good bye to his daughter he came to his horse (mujalli) and said :

rahwar say mola nay kaha day wo tajjali

duldul ho pareyshan tou hairan mujjali

bay bas ho jibreel sa aflak muhalli

bas ho teri raftar say vehdat ko tasalli

raazi kia tu ney agar is waqat faqqi ko

chumay ga jahan hasher talak teri shabi ko

Horse ( Zuljinah ) Replied :

Di murtajisi noorey sarapa nay yeh awaz

raftar k anjam say hoga mera aghaaz

khud moat k bas mai nahi paa lay meri parwaz

mey tera hi ijaz say hon sahibe ijaz

is rah mey khud moat bhi do hath chaley gi

shamsheer sey pochyen , woh mere sath chaley gi?

and ..

larnay pay gar dil hai tou phir kahey ka gham hai ?

yeh fatehey mubeen hai k alam main bhi alam hai

kiya kijiye aakhir teri ghutti mai karam hai :)

warna yeh lashkar tou terey ghorey say bhi kaam hai :@

jo aaj merey paaon ki thoker say marengay

wo hasahr talak meri shabi say bhi darengey

He kissed his horse and started a conversation with his sword the one and only "Zulfiqar" :

Shamsher say mola nay kaha chal magar aisey

ho khaibar -o- khandaq mai bhi halchal magar aisey

is thal mai rahey moat ki jal thal magar aisey

is dasht mai ho khoon ki dal dal magar aisey

tu jis pay uttari gayi mai us ka waali hoon!

wo sirf Ali tha mey Hussain ibn-e-Ali hoon!

A long awaited ; blood thirsty Zulfiqar replied :

talwaar pukaari yeh qayamat ka safar hai

ankhen bhi nahi or meri sab pey nazer hai 

kaaton kissey, choron kissey mujh ko yeh khabar hai

hathon mey qaza hai meri junbish mey qadar hai

bus rehem ki aye gi sada char taraf sey

mey dasht mey chalti rahon daad aye najaf sey 

Hussain !

Gar apni pay aajaon tou ik jast kay ander

sajday mai girren teri adawat k yeh mandar

kiya sher say lar payengay yeh zaat kay bandar?

hai dasht bhicha don yahan lashon ka samandar!

sarkar ka sadqay mai yeh sarey banay hain

hum dono uttarey gaye yeh sarey banay hain

after this the moment arrived when a father who pulled the spear out of his 18 year old son, a father who pulled an arrow out of his 6 month old son, a brother who saw his brother dyeing in his hands, a friend who saw his friends getting martyred in front of his eyes , a person who's throat hasn't felt a single drop of water for 3 days ; yes the son of Fatima and Ali , arrived fearlessly in the battle field of Karbala, pointing his zulfiqar towards yazid's army and said:

Chahon tou yahan moat ka bazaar saja don!

sao (100) bar bana ker tumhein sao bar mita don

khaliq say yeh malik nay kaha aur mai kiya don?

aja mey tujeh ajj teri jang dekha don!

mairaj Mohammed ki hai Mairaj pey jana!

Shabbir ki Mairaj hai Allah ko Bolana

and than he attacked!

piyasay k alfaaz abhi ruk hi nah paye

maidaan mey sajne lage tauheed Saraaye

jabroot ney laahoot k khaimey bhi lagaye

mumkin nahi Shabbir bolaye woh nah aye

markooz howa farsh pey khud arsh-e-ali bhi

piyasey ki larayi ka piyasa tha khuda ki bhi

Bus taigh uthi shor howa zard hue rang

maqtal my panah lene lagey aehen-o-ahang

mazloom, jarri, roop samad, os pey ajal dang

khud jung ney dekhi nah thi aesi bhi kahin jung

jo shaam key they shaam dhaley haanp rahe they

garmi thi qayamat ki addu kaanp rahey they

kia kia nah kahen taig-e-Hussain Ka asar tha

khud seena-e-talwaar pey mardoon ka jiger tha

jungle mey larayi thi , jahanum mey bhi dar tha

jannat ki jagha aman ki hai khauf mager tha

hud hogyi aslaab mey ghabra gaye bachey

kuch maaon k arhaam mey sehma gaye bachey

sholey sey ogalne lagin talwar ki ankhen 

dochar howien moath sey do chaar ki ankhen

thin lashkar-e-farrar mey karrar ki ankhen

ankhen nah utha payin thin ashrar ki ankhen

tanhayi mey tanha ney ajab moat macha di

Allah ney bhi Allah ho akber ki sada di

Dekhi na kabhi chasm-e-falak ney yeh larayi

Jibreal ney Mola sey amaan jan ki payi

bando ki katayi mey kahan hai yeh safayi?

sir kat gaye ajsaam ko awaz na ayi!

Jungle mey Mohammed ka Madina utar aya

Khud moat k mathe pey pasina utar aya

Aftermath

jab khoon sey Shabbir ney bhardi woh araazi

yaad agaya islam ko shabbir ka maazi

besakhta khene laga mheshar ka woh qaazi

Shabbir mey raazi tu ab mujh sey ho raazi!

jab or jahan tak mera islam rahe ga

wada howa shabbir tera naam rahe ga

tauheed ki awaaz pey muztar hue masoom

jung rok di khene lage hazir hai yeh halqoom

Abbas ka mola howa lamhaat mey mazloom

bola k Khuda hami ho aye Zainab-o-kulsoom

islam pey gar zulm karey ab bhi zamana

phir sham-e-gharibaan issey chadar sey bachana

os wqt mey utri kahin madar ki sawari

woh phelu shikasta thi buhat dard ki maari

mehzoon hue ashq howe ankh sey jari

athara baras ki woh zaeefa si pukaari

lo mil gaye matti mey meri goad k paale

Ghazi ko bolao mere bache ko bachaley

By Shair-e-Al-e-Imran Janab Shaukat Raza Shaukat...